茄汁撈海鮮意粉........

呢個做法係我嚮日本睇一個講幫人嘅電視節目時學嘅~
果個節目係講一d有心人去幫一d有特別需要嘅人~
咁有一part係講有個地方有條街由於經濟不景,
人流好差, 所以打算用"食品名物"帶起番個地方~
所以搵左兩個日本好出名嘅麵食師父去幫當中兩間舖,
希望可以研發到新嘅"名物".......順手攪個比賽搵電視台宣傳~
以下就係我照贏出嘅海鮮意粉自己煮一次出蒞.....

材料有蝦, 蜆, 白草菇, 雞, 大量蕃茄 同埋意粉,
紅色果碗唔係湯, 係用蒞浸意粉食嘅汁, 即係好似食冷麵咁~
汁嘅做法係先用去左皮嘅雞去煲一煲清雞湯, 之後加入大量蕃茄蓉,
煲5個鐘之後加入蜆, 白草菇, 冰糖, 豆粉, 煮杰~~

個意粉就好似平日炒意粉咁做,
炒蝦, 之後放入預先煮好嘅意粉, 加小小黑椒粉, 小小漿油
最好落小小迷跌香就ok~

當然材料上同原裝有小小出入, 因為佢原本係用日本大蜆,
同埋用富士山車厘茄, d蝦好細隻, 炸左可以連殼食等等........
呢d買唔到嘅材料我就用左d相似嘅代替~
真係好好味~